“SPORT & DANCE CHALLENGE” ONLAYN TANLOVI

“SPORT & DANCE CHALLENGE” ONLAYN TANLOVI

Xalq taʼlimi vazirligi oʻquvchilar oʻrtasida sportni targʻib qilish, sportning ommaviyligini oshirish, sogʻlom turmush tarzini yoʻlga qoʻyish maqsadida “Sport & Dance challenge” shiori ostida respublika onlayn tanlovini oʻtkazadi.

Tanlovda jismoniy tarbiya oʻqituvchisi kamida 30 nafar oʻquvchisi bilan birgalikda sport va raqs harakatlarini uygʻunlashtirgan holda faollashtiruvchi badantarbiya mashqlari aks etgan 2 daqiqalik video suratga olishi lozim.

Videorolik 2021-yilning 15-17-mart kunlari soat 8:00 dan 22:00 ga qadar Xalq taʼlimi vazirligining Facebook.com ijtimoiy tarmogʻidagi 5tashabbus_maktabda guruhiga joylashtirilishi lozim.

Gʻoliblar quyidagi mezonlar asosida 100 ballik tizimda baholanadi:

– toʻgʻri va mos tanlangan musiqa;

– musiqa – harakatlar uygʻunligi;

– raqs harakatining asosiy ritmi va tempi;

– sinxronlik;

– faollashtiruvchi va sogʻlomlashtiruvchi xususiyat;

– sport va raqs harakatlaridan mos ravishda foydalanilganlik;

– vaqt reglamenti.

Tanlov gʻoliblari Хalq taʼlimi vazirligi tomonidan maxsus diplom hamda qimmatbaho sovgʻalari bilan taqdirlanadi.

Boshqa yangiliklar

YOPISH